பைபிளில் சொல்லப்பட்டுள்ள இஸ்லாம் பற்றிய தீர்க்கதரிசனங்கள் - பாகம் 11

ஏசாயா 42வது அத்தியாயம் சம்பந்தமாக யூத மற்றும் கிறிஸ்தவ நம்பிக்கைகள் ஒரு பார்வை 

ஏசாயா 42 பற்றிய பாரம்பரிய யூத பழைய ஏற்பாட்டு விரிவுரையாளர்களின் கூற்றை ஆராய்ந்தால், தேவனின் தீர்க்கதரிசின் அடையாளம் குறித்து மாறுபட்ட கருத்து இருப்பதைக் காணலாம். 

✍️ யூதர்களின் கூற்று: 

“இந்த வசனங்களில் தீர்க்கதரிசியின் அடையாளம் காண்பது பரபரப்பாக விவாதிக்கப்படுகிறது. சாடியா காவ்னின் (Saadia Gaon) கூற்றுப்படி தீர்க்கதரிசி  என்பவர் சைரஸ் (Cyrus), இப்னு எஸ்ரா (Ibn Ezra) கூற்றுப்படி ஏசாயா தீர்க்கதரிசி, தர்கும் மற்றும் ராடக்  (Targum and Radak) கூற்றுப்படி தீர்க்கதரிசி  மேசியா மற்றும் செப்டுவஜின்ட் மற்றும் ராஷி (Septuagint and Rashi)  கூற்றுப்படி இந்த வசனத்தில் சொல்லப்பட்டுள்ள தீர்க்கதரிசி என்பவர் இஸ்ரேலிய தேசம் ஆகும்.

ரப்பானிக் இலக்கியங்களில் வல்லுநர்களான சாடியா காவ்ன் (Saadia Gaon), இப்னு எஸ்ரா (Ibn Ezra), ராடக் (Radak) மற்றும் ராஷி (Rashi)  ஆகியோர் ஏசாயா 42 குறித்து பலவிதமான கருத்துக்களைக் கொண்டிருந்ததை நாம் காணலாம். இந்த மாறுபட்ட கருத்துக்களை ஆராய்ந்து, அவை எதுவும் ஏன் திருப்திகரமாக இல்லை என்று பார்ப்போம்:

👉 சைரஸ் தி கிரேட் (Cyrus the Great) 

சைரஸ் ஒரு பாரசீக மன்னர், அவர் கிமு 559 - 530 வரை ஆட்சி செய்தார். அவர் அச்செமனிட் பாரசீக சாம்ராஜ்யத்தின் (Achaemenid Persian Empire) நிறுவனர் ஆவார், அவருடைய ஆட்சியின் கீழ் பேரரசு பரவலாக விரிவடைந்தது. மேற்கில் மத்தியதரைக் கடல் முதல் கிழக்கில் சிந்து நதி வரை, கிரேட் சைரஸ் உலகம் இதுவரை கண்டிராத மிகப்பெரிய பேரரசை உருவாக்கினார். எருசலேம் ஆலயம் அழிந்த பிறகு, இஸ்ரவேலர்கள் பாபிலோனுக்கு நாடுகடத்தப்பட்ட பிறகு, அதை மீண்டும் கட்டியெழுப்ப அவர் கடவுளால் தேர்ந்தெடுக்கப்பட்டதாக பழைய ஏற்பாடு கூறுகிறது:

எரேமியாவின் வாயினாலே கர்த்தர் சொன்ன வார்த்தை நிறைவேறும்படி, பெர்சியாவின் ராஜாவாகிய சைரஸீடைய முதலாம் வருஷத்திலே, கர்த்தர் அவனது ஆவியை ஏவினதினாலே, அவன் கூறினான்: 

‘ பரலோகத்தின் தேவனாகிய கர்த்தர் பூமியின் ராஜ்யங்களையெல்லாம் எனக்குத் தந்தருளி, யூதாவிலுள்ள எருசலேமிலே தமக்கு ஆலயத்தைக் கட்டும்படி எனக்குக் கட்டளையிட்டிருக்கிறார். அவருடைய ஜனங்கள் எல்லாரிலும் எவன் உங்களுக்குள் இருக்கிறானோ, அவனோடே அவனுடைய தேவன் இருப்பாராக. அவன் யூதாவிலுள்ள எருசலேமுக்குப்போய், இஸ்ரவேலின் தேவனாகிய கர்த்தருடைய ஆலயத்தைக் கட்டக்கடவன். எருசலேமில் வாசம்பண்ணுகிற தேவனே தேவன் [எஸ்ரா 1: 1-3]. 

இங்கு கவனிக்க வேண்டிய முதல் விஷயம் என்னவென்றால், பழைய ஏற்பாடு சைரஸை எரேமியாவின் தீர்க்கதரிசனத்தின் நிறைவேற்றமாக பார்க்கிறது தவிர ஏசாயாயை அல்ல. அதனால் ஏசாயாவில் சைரஸ் குறிப்பிடப்படவில்லை என்று சொல்ல முடியாது. அவர் மிகவும் உயர்வாக ஏசாயாவிலும்பேசப்படுகிறார்.

 சைரஸைக் குறித்து: அவன் என் மேய்ப்பன், அவன் எருசலேமை நோக்கி: நீ கட்டப்படு என்றும், தேவாலயத்தை நோக்கி: நீ அஸ்திபாரப்படு என்றும் சொல்லி, எனக்குப் பிரியமானதையெல்லாம் நிறைவேற்றுவான் என்று சொல்லுகிறவர் நான் [ஏசாயா 44:28]. 

ஏசாயா 42 கோடிட்டுக் காட்டும் தனிப்பட்ட குணாதிசயங்களை ஆராய்ந்தால்  தீர்க்கதரிசி சைரஸ் அல்ல என்பது  தெளிவாகிறது. இருப்பினும் சைரஸ் ஏசாயா 42-இன் தீர்க்கதரிசின் சில குணாதிசயங்களை ஒரு பொது அர்த்தத்தில் பூர்த்தி செய்கிறான். உதாரணமாக, ஜெருசலேம் ஆலயத்தை மீட்டெடுப்பதற்காக அவர் நியமிக்கப்பட்டார் என்ற பொருளில் அவர் கடவுளால் தேர்ந்தெடுக்கப்பட்டவர். உருவ வழிபாடு, போர் மற்றும் புவியியல் போன்ற ஏசாயா 42 இல் சொல்லப்பட்டுள்ள விவரங்களில் இருந்து அவர் குறைவுபடுகிறார். பழைய ஏற்பாடு அவருடைய பேகன் (Pagan) வழிபாடு பின்னணியைக் குறிப்பிடுகிறது, சைரஸ் இஸ்ரவேலருக்கு “ அவர்களுடைய தேவன் அவர்களுடன் இருக்கட்டும்” என்று எழுதினார் என்று கூறுகிறது [எஸ்ரா 1: 3 ]. சைரஸ் தி கிரேட் சிலிண்டர் போன்ற தொல்பொருள் கண்டுபிடிப்புகளால் இது உறுதிப்படுத்தப்படுகிறது, இது சைரஸ் பேகன் (Pagan) கடவுள்களை வணங்கினான் என்பதையும் காட்டுகிறது. சைரஸ் தி கிரேட் சிலிண்டர் என்பது அக்காடியன் (Akkadian) மொழியில் எழுதப்பட்ட ஒரு பழங்கால கலைப்பொருள். லண்டனில் உள்ள பிரிட்டிஷ் அருங்காட்சியகத்தில் வைக்கப்பட்டுள்ள இந்த சிலிண்டரை 1879 ஆம் ஆண்டில் அசிரோ-பிரிட்டிஷ் (Assyro-British) தொல்பொருள் ஆராய்ச்சியாளர் ஹார்முஸ்ட் ராசம் (Hormuzd Rassam) என்பவரால் கண்டறியப்பட்டது.

பேல் (Bel) மற்றும் நேபோ (Nabu) போன்ற பேகன் (Pagan) கடவுள்களை சைரஸ் வணங்கினார் என்று சிலிண்டரில்(உருளையின்) குறிக்கப்பட்டிருக்கிறது:

 எனக்கு நீண்ட ஆயுட்காலம் உண்டாக “பேல் மற்றும் நேபோ” ஆகியோருக்கு முன்பாக தினமும் ஜெபியுங்கள், அவர்கள் எனக்காக ஒரு கிருபையான வார்த்தையைப் பேசி, என் ஆண்டவரான மர்தூக்கிடம், “உன்னை வணங்கும் ராஜாவான சைரஸும், அவருடைய மகன் காம்பீசஸும் […] நான் அனைவருக்கும் நிம்மதியாக வாழ அனுமதித்தது […] ”(சிலிண்டர், ஆங்கில மொழிபெயர்ப்பு, 35-36 வரிகள்) 

பழைய ஏற்பாட்டின் படி, பேல் மற்றும் நேபோ பாபிலோனிய பேகன் (Pagan)  தெய்வங்களின் பெயர்கள்: “ பேல் பணியும், நேபோ குனியும், அவைகளின் விக்கிரகங்கள் காட்டுமிருகங்களுக்கும் நாட்டுமிருகங்களுக்கும் சுமையாகும், நீங்கள் சுமந்தசுமைகள் இளைத்துப்போன மிருகங்களுக்குப் பாரமாயிருக்கும். ”[ஏசாயா 46: 1 ]. சைரஸின் இத்தகைய பேகன் (Pagan)  நம்பிக்கைகள் மற்றும் நடைமுறைகளை ஏசாயா 42-இன் ஏகத்துவ தீர்க்கதரிசியுடன் ஒப்பீடு செய்வது சிறந்தது அல்ல.

 சித்திரவேலையான விக்கிரகங்களைநம்பி, வார்ப்பிக்கப்பட்ட சுரூபங்களைநோக்கி: நீங்கள் எங்கள் தேவர்கள் என்று சொல்லுகிறவர்கள் பின்னிடைந்து மிகவும் வெட்கப்படுவார்கள் [ஏசாயா 42:17]. 

 சமுத்திரத்தில் யாத்திரை பண்ணுகிறவர்களே, அதிலுள்ளவைகளே, தீவுகளே, அவைகளின் குடிகளே, கர்த்தருக்குப் புதுப்பாட்டைப் பாடுங்கள், பூமியின் கடையாந்தரத்திலிருந்து அவருடைய துதியைப் பாடுங்கள் [ஏசாயா 42:10]. 

ஏசாயா 42 கூறுவது போல், போரைப் பொறுத்தவரை தீர்க்கதரிசி கடவுளின் எதிரிகளுக்கு எதிராக வெற்றிபெறும் வலிமைமிக்க போர்வீரன்:

 கர்த்தர் பராக்கிரமசாலியைப்போல் புறப்பட்டு, யுத்தவீரனைப்போல் வைராக்கியமூண்டு, முழங்கிக் கெர்ச்சித்து, தம்முடைய சத்துருக்களை மேற்கொள்ளுவார் [ஏசாயா 42:13]. 

மத்திய யூரேசிய ஆய்வுகள் பேராசிரியர் கிறிஸ்டோபர் பெக்வித்தின் (Central Eurasian Studies Christopher Beckwith) கூற்றுப்படி, மாசஜெட்டாவுக்கு  (Massagetae) எதிரான போரில் சைரஸ் இறந்தான்:

 சைரஸ் எகிப்துக்குள் செல்லவில்லை, கிமு 530 டிசம்பர் மாதம் சிர் தர்யாவுடன் (Syr Darya) சேர்ந்து மாசஜெட்டாவை எதிர்த்துப் போரில் சைரஸ் இறந்தான். 

இறுதியாக, புவியியலைப் பொறுத்தவரை, ஏசாயா 42-ல் வரவிருக்கும் தீர்க்கதரிசி கேதார் மற்றும் சேலா, அதாவது மக்கா மற்றும் மதீனா நகரங்களுடன் தொடர்புபடுத்துகிறது என்பதை நினைவில் வையுங்கள். அவருடைய மக்கள் அவரது வருகையில் “மகிழ்ச்சியாக பாடுவார்கள்":

 வனாந்தரமும், அதின் ஊர்களும், கேதாரியர் குடியிருக்கிற கிராமங்களும் உரத்த சத்தமிடக்கடவது, கன்மலைகளிலே குடியிருக்கிறவர்கள் கெம்பீரித்து, பர்வதங்களின் கொடுமுடியிலிருந்து ஆர்ப்பரிப்பார்களாக [ஏசாயா 42:11]. 

சைரஸுக்கு மக்கா அல்லது மதீனாவுடன் வரலாற்று தொடர்பு இல்லை. அவரது சாம்ராஜ்யம் உலகின் பெரும்பகுதியைக் கைப்பற்றிய போதிலும், அவர் சவுதி அரேபியாவின் பாலைவனங்களின் கட்டுப்பாட்டைப் பெறவில்லை (அல்லது காலடி கூட வைக்கவில்லை). இந்த நிலங்கள் புற சாம்ராஜ்யங்களால் கைப்பற்றப்படாத சில இடங்களில் ஒன்றாகும். அரேபிய தீபகற்பம் ஒரு கடுமையான நிலம். பாலைவனத்தின் வழியாகப் பயணிப்பது ஒரு கடினமான சாதனையாகும். இன்றும் கூட  எந்தவொரு மக்களும் இல்லாத சில பகுதிகள் உள்ளன. வெளி உலகத்திலிருந்து தனிமைப்படுத்தப்பட்டதால் இது ஒரு தீவு என்று அழைக்கப்பட்டது.

இறுதியாக, ஏசாயா 42-ல் குறிப்பிடப்பட்டுள்ள தீர்க்கதரிசின் எல்லா குணாதிசயங்களையும் நாம் எடைபோடும்போது, சைரஸ்  அந்த தீர்க்கதரிசனங்களை நிறைவேற்றவில்லை என்பது உறுதியாகிறது.

👉 ஏசாயா நபி (Prophet Isaiah himself) 

ஏசாயா 42-இன் மொழியையும் சூழலையும் ஆராய்ந்தால், வரவிருக்கும் தீர்க்கதரிசி ஏசாயா நபியாக இருக்க முடியாது என்பது தெளிவாகிறது. ஏசாயா தனது புத்தகத்தில் குறிப்பிடும் தீர்க்கதரிசியினை விவரிக்கும்போது, எதிர்காலத்தை அடிப்படையாக வைத்து அவர் குறிப்பிடப்படுகிறார். அந்த தீர்க்கதரிசி இன்னும் கடவுளால் அனுப்பப்படவில்லை என்பதை இது குறிக்கிறது:

" பூர்வகாலத்தில் தெரிவிக்கப்பட்டவைகள், இதோ, நிறைவேறலாயின, புதியவைகளையும் நானே அறிவிக்கிறேன், அவைகள் தோன்றாததற்குமுன்னே, அவைகளை உங்களுக்குச் சொல்லுகிறேன் ”[ஏசாயா 42: 9]. 

இதற்கு மாறாக, ஏசாயா தன்னைப் பற்றிய தீர்க்கதரிசனங்களைத் தெரிவிக்கும்போது, அவர் தனது சொந்த பெயரைக் குறிப்பிடுகிறார்:

 தர்த்தான், அசீரியா ராஜாவாகிய சர்கோனாலே அனுப்பப்பட்டு, அஸ்தோத்துக்கு வந்து, அஸ்தோத்தின்மேல் யுத்தம்பண்ணி, அதைப் பிடித்த வருஷத்திலே,, கர்த்தர் ஆமோத்சின் குமாரனாகிய ஏசாயாவை நோக்கி: நீ போய் உன் அரையிலிருக்கிற இரட்டை அவிழ்த்து, உன் கால்களிலிருக்கிற பாதரட்சைகளைக் கழற்று என்றார், அவன் அப்படியே செய்து, வஸ்திரமில்லாமலும் வெறுங்காலுமாய் நடந்தான்., அப்பொழுது கர்த்தர்: எகிப்தின்மேலும் எத்தியோப்பியாவின்மேலும் வரும் மூன்றுவருஷத்துக் காரியங்களுக்கு அடையாளமும் குறிப்புமாக என் ஊழியக்காரனாகிய ஏசாயா வஸ்திரமில்லாமலும் வெறுங்காலுமாய் நடக்கிறதுபோல,, அசீரியா ராஜா, தான் சிறைபிடிக்கப்போகிற எகிப்தியரும், தான் குடிவிலக்கப்போகிற எத்தியோப்பியருமாகிய இளைஞரையும் கிழவரையும், வஸ்திரமில்லாமலும் வெறுங்காலுமாய் எகிப்தியருக்கு வெட்கமுண்டாகும்படி, இருப்பிடம் மூடப்படாதவர்களாய்க் கொண்டுபோவான். " [ஏசாயா 20: 1-4] 

ஆகவே, ஏசாயா நபி ‘ஏசாயா 42’-ன் தீர்க்கதரிசியாக இருக்க விரும்பியிருந்தால், அவர் ‘ஏசாயா 20’-ல் மேலே இருப்பதைப் போலவே, அவர் தனது பெயரை குறிப்பிட்டு இருப்பார்.

ஏசாயா 42 இல் சொல்லப்பட்டிருக்கும் தீர்க்கதரிசி ஒரு போர் வீரனாக சித்தரிக்கப்படுகிறார். ஆனால் ஏசாயா நபி ஒரு போர்வீரன் அல்ல. அரேபிய நகரங்களான மக்கா மற்றும் மதீனாவுடன் எந்த வரலாற்று தொடர்பும் கொண்டிருக்கவில்லை. ஏசாயா 42-ல், தீர்க்கதரிசி புறஜாதியினருக்கு ஒளியை தருவதாகப் பேசுகிறது, ஆனால் ஏசாயா நபியின் தொடர்பு முதன்மையாக அவரது சொந்த மக்களுடன், அதாவது இஸ்ரவேலர்களோடு மட்டுமே இருந்தன, புறஜாதியினருடன் அல்ல. புறஜாதியார் ராஜ்யங்களை பற்றி அவர் தீர்க்கதரிசனம் கூறினாலும், அவருடைய எழுத்துக்களில் மிகப்பெரிய ஒற்றை பொருள் ‘இஸ்ரேலுக்கான எச்சரிக்கைகள் மட்டுமே’.

👉 மேசியா (The Messiah) 

இயேசு தான் மேசியா என்ற கருத்தை யூத மக்கள் நிராகரிக்கின்றனர்; மேசியாவின் வருகையை அவர்கள் இன்னும் எதிர்பார்க்கிறார்கள். ஆகவே, அவர்களின் பார்வையில், ஏசாயா 42-இன் மேசியா இன்னும் வரவில்லை என்பதால் கிட்டத்தட்ட மூவாயிரம் ஆண்டுகளாக நிறைவேறாத தீர்க்கதரிசனமாக மேசியா பற்றிய தீர்க்கதரிசனங்கள் நிற்கிறது. கிறிஸ்தவர்கள் மற்றும் முஸ்லிம்களின் பார்வையில், இயேசு தான் மேசியா. ஏசாயா 42-இன் சிறப்பியல்புகளை இயேசுவின் வாழ்க்கை மற்றும் போதனைகளுடன் புதிய ஏற்பாட்டில் சித்தரிக்கப்பட்டுள்ளதை ஒப்பிட்டுப் பார்த்தால், மேசியா இயேசு, ஏசாயா 42இல் சொல்லப்பட்டுள்ள தீர்க்கதரிசனத்தை நிறைவேற்றுவதில் முரண்படுகிறார். உதாரணமாக, ஏசாயா 42 கூறுகிறது, தீர்க்கதரிசி கூக்குரலிட மாட்டான்:

 அவர் கூக்குரலிடவுமாட்டார், தம்முடைய சத்தத்தை உயர்த்தவும் அதை வீதியிலே கேட்கப்பண்ணவுமாட்டார். [ஏசாயா 42: 2]. 

இந்த தீர்க்கதரிசனம் இயேசுவை தகுதி நீக்கம் செய்கிறது, அவருடைய ஊழியத்தின் பல கட்டங்களில்: அவர் கடவுளிடம் குறைகூறினார், சத்தமிட்டு அழுதார்.

பைபிளின் கூற்று படி, 

 ஆறாம்மணி நேரமுதல் ஒன்பதாம்மணி நேரம்வரைக்கும் பூமியெங்கும் அந்தகாரம் உண்டாயிற்று. ஒன்பதாம்மணி நேரத்தில் இயேசு: ஏலி! ஏலி! லாமா சபக்தானி, என்று மிகுந்த சத்தமிட்டுக் கூப்பிட்டார், அதற்கு என் தேவனே! என் தேவனே! ஏன் என்னைக் கைவிட்டீர் என்று அர்த்தமாம். [மத்தேயு 27: 45-46]. 

மேலும் நீதியை நிறுவுவதில் இயேசு தோல்வியுற்றார். தீர்க்கதரிசி பூமியில் நீதியை நிலைநாட்டுவான் என்று ஏசாயா 42 கூறுகிறது:  

 அவர் நியாயத்தைப் பூமியிலே நிலைப்படுத்துமட்டும் இளக்கரிப்பதுமில்லை, பதறுவதுமில்லை, அவருடைய வேதத்துக்குத் தீவுகள் காத்திருக்கும். [ஏசாயா 42: 4]. 

இயேசுவிடம், நீ யூதர்களின் ராஜாவா என்று  கேட்கப்பட்டது என் ராஜ்யம் இவ்வுலகத்திற்குரியதல்ல…”, I …” [யோவான் 18:36 ] என்று இயேசு கூறினார். ஆயினும், உலகளாவிய நீதியை நிலைநாட்டும் தற்காலிக சக்திகளைக் கொண்ட ஒரு நபரின் வருகையை ஏசாயா நபி அறிவிக்கிறார். ஒருவர் பூமியில் நீதியை நிலைநாட்ட, ஒருவருக்கு ஆன்மீக மற்றும் தற்காலிக திறன் இருக்க வேண்டும். இயேசு தேசங்களுக்கு நீதியை கொண்டு வராமல் உயர்த்தப்பட்டார் என்பதை கிறிஸ்தவர்களும் முஸ்லிம்களும் ஒப்புக்கொள்கிறார்கள். ஏனெனில் அவருடைய சில சீடர்கள் நீதியைச் செயல்படுத்தத் தேவையான பலத்தைக் கொண்டிருக்கவில்லை. புதிய ஏற்பாட்டின் படி இயேசுவும் அவருடைய சீஷர்கள் அனைவரும் இந்த உலகத்தை அநியாய நிலையில் விட்டுவிட்டார்கள் என்று தான் சொல்ல வேண்டும். இந்த செயல் ஏசாயா 42-ன் தீர்க்கதரிசனங்களுக்கு நேர் எதிரானது. ரோமானியர்கள் மற்றும் பெர்சியர்கள் போன்ற பேகன் சாம்ராஜ்யங்கள் அந்த நேரத்தில் பூமியின் பெரும்பகுதியை, மேலும் இயேசு மற்றும் அவருடைய ஆரம்பகால சீடர்களின் நிலங்கள்  உட்பட ஆதிக்கம் செலுத்தின. அவர்கள் தங்களது சொந்த அநியாய சட்டங்களை அமல்படுத்தினர். கிறிஸ்தவர்கள், இயேசுவுக்குப் பிறகு நூற்றுக்கணக்கான ஆண்டுகளாக, பேகன் ரோமானியர்களால் கொடூரமாக ஒடுக்கப்பட்டனர். அவர்கள் சித்திரவதை செய்யப்பட்டு சிங்கங்களுக்கு உணவாக்கபட்டனர்.

மேலும் இயேசு இஸ்ரேல் மக்களுக்காக வந்தார். புறஜாதியினர், உருவ வழிபாடு செய்பவர்களுக்காக வரவில்லை.

ஏசாயா 42 முழுவதும் சிலைகளை வணங்குபவர்களை "குருடர்கள்" என்றும் "இருளில்" இருப்பதாகவும் விவரிக்கிறது. சித்திரவேலையான விக்கிரகங்களைநம்பி, வார்ப்பிக்கப்பட்ட சுரூபங்களைநோக்கி: நீங்கள் எங்கள் தேவர்கள் என்று சொல்லுகிறவர்கள் பின்னிடைந்து மிகவும் வெட்கப்படுவார்கள் என்றும் கூறப்படுகிறது:

 நான் கர்த்தர், இது என் நாமம், என் மகிமையை வேறொருவனுக்கும், என் துதியை விக்கிரகங்களுக்கும் கொடேன். [ஏசாயா 42: 8]. 

 குருடரை அவர்கள் அறியாத வழியிலே நடத்தி, அவர்களுக்குத் தெரியாத பாதைகளில் அவர்களை அழைத்துக்கொண்டுவந்து, அவர்களுக்கு முன்பாக இருளை வெளிச்சமும், கோணலைச் செவ்வையுமாக்குவேன், இந்தக் காரியங்களை நான் அவர்களுக்குச் செய்து, அவர்களைக் கைவிடாதிருப்பேன். சித்திரவேலையான விக்கிரகங்களைநம்பி, வார்ப்பிக்கப்பட்ட சுரூபங்களைநோக்கி: நீங்கள் எங்கள் தேவர்கள் என்று சொல்லுகிறவர்கள் பின்னிடைந்து மிகவும் வெட்கப்படுவார்கள். [ஏசாயா 42: 16-17]. 

இந்த தீர்க்கதரிசனம் இயேசுவைப் பற்றியதாக இருக்க வாய்ப்பில்லை, ஏனென்றால், முஹம்மதுவின் வாழ்நாள் எதிர்ப்பாளர்கள் முதன்மையாக சிலை வழிபாட்டாளர்களாக இருந்தனர், இயேசுவின் எதிர்ப்பாளர்கள் யூத மதத் தலைவர்கள், சதுசேயர்கள் மற்றும் பரிசேயர்கள். அவருடைய மக்கள், இஸ்ரவேலர் ஏகத்துவவாதிகள், சிலை வழிபாட்டாளர்கள் அல்ல. ஒரு சந்தர்ப்பத்தில், இயேசு தம்முடைய சீஷர்களிடம் விக்ரகத்தை வணங்கும் புறஜாதியினரிடம் இருந்து விலகி இருக்கும்படி சொன்னார். இது ஏசாயா தீர்க்கதரிசனம் சொன்னதற்கு நேர் எதிரானது. இந்தப் பன்னிருவரையும் இயேசு அனுப்புகையில், அவர்களுக்குக் கட்டளையிட்டுச் சொன்னது என்னவென்றால்: நீங்கள் புறஜாதியார் நாடுகளுக்குப் போகாமலும், சமாரியர் பட்டணங்களில் பிரவேசியாமலும்…  ’” [மத்தேயு 10: 5] 

ஏசாயாவில் உள்ள இந்த வசனம் இயேசுவுக்கு பொருந்தாது என்பதற்கான மற்றொரு காரணம் என்னவென்றால், அவருடைய மக்களான இஸ்ரவேலர்கள் தோராவையும், ஏராளமான தீர்க்கதரிசிகளையும் கடவுளிடமிருந்து பெற்றிருந்தார்கள். 

இஸ்ரவேலருக்கு அனுப்பப்பட்ட சில தீர்க்கதரிசிகள் …,

மோசே

ஆரோன்

யோசுவா

சாமுவேல்

நாதன்

டேவிட்

சாலமன்

மைக்கையா

ஹோஷியா

ஆமோஸ்

மீகா

எலியா

எலிஷா

யோனா

ஏசாயா

ஜோயல்

ஹபக்குக்

செப்பனியா

எரேமியா

எசேக்கியேல்

டேனியல்

ஹக்காய்

சகரியா

மலாச்சி 

இயேசு

வேறு வார்த்தைகளில் கூறுவதானால், அவர்கள் ஏற்கனவே வெளிப்பாடு மற்றும் வழிகாட்டுதலின் ஒளியைப் பெற்றுள்ளனர். எனவே அவர்கள் இருளில் இருப்பதாக கூற முடியாது.

ஏசாயா 42, வரவிருக்கும் தீர்க்கதரிசிக்கான அடையாளங்களை நமக்கு சொல்கிறது. இவற்றில் முதன்மையானது:

 கர்த்தர் பராக்கிரமசாலியைப்போல் புறப்பட்டு, யுத்தவீரனைப்போல் வைராக்கியமூண்டு, முழங்கிக் கெர்ச்சித்து, தம்முடைய சத்துருக்களை மேற்கொள்ளுவார். [ஏசாயா 42:13 ].

இவற்றை ஒப்பிடுகையில், இயேசு தனது எதிரிகளை வென்றதில்லை; கிறிஸ்தவர்களின் கூற்றுப்படி அவர் சிலுவையில் அறையப்பட்டார். மேலும், இயேசு போரிடுவதில் ஆர்வம் காட்டவில்லை, அவர் ஒரு போர்வீரன் அல்ல; அவர் புதிய ஏற்பாட்டின் படி ஒரு சமாதானவாதி. ‘ அப்பொழுது, இயேசு அவனை நோக்கி: உன் பட்டயத்தைத் திரும்ப அதின் உறையிலே போடு, பட்டயத்தை எடுக்கிற யாவரும் பட்டயத்தால் மடிந்து போவார்கள்." [மத்தேயு 26:52] மற்றும் “என் ராஜ்யம் இவ்வுலகத்திற்குரியதல்ல, என் ராஜ்யம் இவ்வுலகத்திற்குரியதானால் நான் யூதரிடத்தில் ஒப்புக்கொடுக்கப்படாதபடிக்கு என் ஊழியக்காரர் போராடியிருப்பார்களே, இப்படியிருக்க என் ராஜ்யம் இவ்விடத்திற்குரியதல்ல என்றார்…” [யோவான் 18:36]. 

இறுதியாக, ஒரு புவியியல் கண்ணோட்டத்தில், இயேசுவுக்கு கேதார் அல்லது சேலாவுடன் வரலாற்று தொடர்பு இல்லை. புதிய ஏற்பாட்டில் இயேசு பண்டைய பாலஸ்தீனத்திற்குள், நாசரேத், பெத்லகேம் போன்ற இடங்களில் இருந்தார். சவுதி அரேபியாவின் பாலைவனங்களுடன் அவருக்கு எந்த தொடர்பும் இல்லை, மக்கா மற்றும் மதீனாவில் வசிப்பவர்கள் இயேசுவின் வருகையை "மகிழ்ச்சியாக பாடினார்கள்" பற்றிய எந்த பதிவும் இல்லை. 

எனவே சொல்லபட்ட தீர்க்கதரிசனங்கள் நபிகள் நாயகத்திற்கு ஆதரவாக உள்ளது. மேலும், ஏசாயாவின் தீர்க்கதரிசனத்தை நிறைவேற்றுவதற்கான ஒரு நபராக இயேசுவை ஏசாயாவில் உள்ள பல வசனங்கள் நிராகரிக்கின்றன.

👉 இஸ்ரேல் தேசம் 

இங்குள்ள அடுத்து வாதம் என்னவென்றால், ஏசாயாவின் மற்ற அத்தியாயங்கள் இஸ்ரவேல் தேசத்தை கடவுளின் ஊழியக்காரன் என்று குறிப்பிடுவதால், ஏசாயா 42-இல் குறிப்பிடப்பட்டுள்ள தீர்க்கதரிசி இஸ்ரேல் என்பது மற்றொரு வாதம்:

 இதோ, நான் ஆதரிக்கிற என் தாசன், நான் தெரிந்துகொண்டவரும், என் ஆத்துமாவுக்குப் பிரியமானவரும் இவரே, என் ஆவியை அவர்மேல் அமரப்பண்ணினேன், அவர் புறஜாதிகளுக்கு நியாயத்தை வெளிப்படுத்துவார்.[ஏசாயா 42: 1]. 

இந்த விளக்கத்தின் ஒரு பெரிய சிக்கல் என்னவென்றால், ஏசாயா 42-இன் சூழலை அது கருத்தில் கொள்ளவில்லை, இது தீர்க்கதரிசி மை இரண்டு வித்தியாசமான கோணங்களில் இருந்து பேசுகிறது. ஏசாயா 42-இன் முதல் பகுதி, 1 - 17 வசனங்கள், ஒரு முக்கியமான தீர்க்கதரிசியரை மிகவும் நேர்மறையான சொற்களில் விவரிக்கின்றன, “ நீர் குருடருடைய கண்களைத் திறக்கவும், கட்டுண்டவர்களைக் காவலிலிருந்தும், இருளில் இருக்கிறவர்களைச் சிறைச்சாலையிலிருந்தும் விடுவிக்கவும், கர்த்தராகிய நான் நீதியின்படி உம்மை அழைத்து, உம்முடைய கையைப் பிடித்து, உம்மைத் தற்காத்து, உம்மை ஜனத்திற்கு உடன்படிக்கையாகவும், ஜாதிகளுக்கு ஒளியாகவும் வைக்கிறேன். (42: 6-7 ). விக்கிரகாராதனையை ஒழித்து, உலகம் முழுவதும் நீதியைப் பரப்பும் நீதியுள்ள தீர்க்கதரிசி இதுதான். மேலும், ஏசாயா 42-இன் இரண்டாவது பிரிவு, 18 - 25 வசனங்கள், மற்றொரு கோணத்தில் தீர்க்கதரிசியை விவரிக்கின்றன, “ காது கேளாதவர், குருடர்” (42:18), “இந்த ஜனமோ கொள்ளையிடப்பட்டும், சூறையாடப்பட்டும் இருக்கிறார்கள். அவர்கள் அனைவரும் கெபிகளிலே அகப்பட்டு, காவலறைகளிலே அடைக்கப்பட்டிருக்கிறார்கள், தப்புவிப்பார் இல்லாமல் கொள்ளையாகி, விட்டுவிடு என்பார் இல்லாமல் சூறையாவார்கள்.  ”(42:22).  ஏசாயா இந்த ஊழியக்காரரை கடுமையாகக் கண்டிக்கிறார்:

 இவர்கள்மேல் அவர் தமது கோபத்தின் உக்கிரத்தையும், யுத்தத்தின் வலிமையையும் வரப்பண்ணி, அவர்களைச்சூழ அக்கினிஜூவாலைகளைக் கொளுத்தியிருந்தும் உணராதிருந்தார்கள், அது அவர்களைத் தகித்தும், அதை மனதிலே வைக்காதேபோனார்கள்.  [ஏசாயா 42:25] 

இங்கே கண்டனம் செய்யப்பட்ட தீர்க்கதரிசி யார்? இஸ்ரவேல் தேசம் என்று ஏசாயா தெளிவுபடுத்துகிறார்:

 என் தாசனையல்லாமல் குருடன் யார்? நான் அனுப்பிய தூதனையல்லாமல் செவிடன் யார்? உத்தமனையல்லாமல் குருடன் யார்? கர்த்தருடைய ஊழியக்காரனையல்லாமல் அந்தகன் யார்? [ஏசாயா 42:19 ]

ஏசாயா இந்த தீர்க்கதரிசனத்தை கூறியபோது கடவுளோடு உடன்படிக்கையில் இருந்தது இஸ்ரவேல் தேசம்.

 யாக்கோபைச் சூறையிட்டு இஸ்ரவேலைக் கொள்ளைக்காரருக்கு ஒப்புக்கொடுக்கிறவர் யார்?... [ஏசாயா 42:24] 

சுருக்கமாக, ஏசாயா 42- இன் சூழலைக் கருத்தில் கொள்ளும்போது, இரண்டு வேறுபட்ட ஊழியக்காரர்களை பேசியிருப்பதை நாம் காண முடியும். இந்த இருவரும் ஒரே நபராக இருப்பது சாத்தியமற்றது என்பதைக் காணலாம். குருட்டு மற்றும் கண்டனம் செய்யப்பட்ட ஊழியக்காரனாக என்று இஸ்ரேல் தேசத்தைக் வெளிப்படையாக ஏசாயா 42 அடையாளம் காட்டுவதால், வழிகாட்டும் நீதியுள்ள தீர்க்கதரிசி இஸ்ரேலைத் தவிர வேறு ஒருவராக தான் இருக்க வேண்டும். 

✍️ முடிவுரை 

இந்த பகுதியில், ஏசாயா 42-ல் வரவிருக்கும் தீர்க்கதரிசியின் அடையாளம் குறித்து பலவிதமான கருத்துக்களை விரிவாகக் கூறியுள்ளோம். பழைய ஏற்பாட்டில் யூத விரிவுரையாளர்கள் மாறுபட்ட கருத்துக்கள், அவர்களது முழுமையான குழப்பத்தைக் காட்டுகிறது. ஏசாயா 42-இன் குணாதிசயங்களை கவனமாக ஆராய்ந்தால், பொதுவாக முன் வைக்கபட்ட எல்லா தீர்க்கதரிசிகள்  - பெரிய சைரஸ், ஏசாயா, மேசியா மற்றும் இஸ்ரேல் தேசம் - தீர்க்கதரிசனங்களை பூர்த்தி செய்வதில் குறைவு படுகிறார்கள். இறுதியாக ஏசாயா 42 நன்கு ஆராய்ந்தால் இந்த குழப்பங்கள் அனைத்தும் மறைந்துவிடும்:

•    வரவிருக்கும் தீர்க்கதரிசி கேதார் மற்றும் சேலாவுடன் தொடர்புடையவர். இந்த இரண்டு இடங்களையும் கவனமாக பகுப்பாய்வு செய்தால் அரேபிய நகரங்களான மக்கா மற்றும் மதீனாவை சுட்டிக்காட்டுகிறது,

•    அவருடைய வருகை அவர்களுடைய மக்களை மகிழ்ச்சியுடன் பாட வைக்கும்,

•    அவர் விக்கிரகாராதனை மக்களிடம் போரிடுவார்,

•    அவர் புறஜாதியினருக்கு ஒளியைக் கொடுப்பார்,

•    அவர் உலகில் அமைதியையும் நீதியையும் பரப்புவார்

ஏசாயா 42 முழுதும் முஹம்மதுவை சுட்டிக்காட்டுவதை நாம் காணலாம், மேலும் கேதார் மற்றும் சேலாவை இனைக்கும் ஒரே தீர்க்கதரிசி முஹம்மது நபி மட்டுமே.