கிறிஸ்தவர்கள் புறக்கணித்த மோசேவின் ஓரல் தோரா - பாகம் 2

கிறிஸ்தவர்கள் புறக்கணித்த மோசேவின் ஓரல் தோரா - பாகம் 2 

✍️ சினாய் மலையில் எழுதப்பட்ட தோராவுடன் ஓரல் தோராவும் மோசேக்கு வழங்கப்பட்டது என்று யூதர்கள் நம்புகின்றனர்.  கடவுளிடமிருந்து மோசேக்கு ஒரு வாய்வழி போதனை இருந்தது என்று கூறி யாத்திராகமம்  24:12 வசனங்கள் இந்த கோட்பாட்டை ஆதரிக்கின்றன.  ஓரல் தோரா இல்லாமல் எழுதப்பட்ட தோரா முழுமையடையாது என்பது ரப்பானிய யூதர்களின் வாதம்.  ஓரல் தோராவின் பல போதனைகளும் இயேசுவால் போதிக்கப்பட்டுள்ளது.

✍️ ரப்பீகளின் போதனைகளையும் அறிவுறுத்தல்களையும் பின்பற்றவும் கடைப்பிடிக்கவும் இயேசு தம் சீஷர்களிடம்  (மத்தேயு 23: 1-3) கூறியுள்ளார். நிச்சயமாக இது எழுதப்பட்ட தோராவுக்கு மேலதிகமாக ரப்பானிய விதிகள், ஹலகா போன்ற சட்டங்கள் அனைத்தையும் இயேசு ஆதரித்தார் என்பதை இது குறிக்கிறது.

✍️ இந்த கட்டளை உபாகமம் 17: 8-12 சொல்லப்பட்டுள்ள கட்டளை ஆகும். மோஸேவின் காலம் முதல் இந்த ஓரல் தோரா வழிமுறையில் உள்ளது என்பதை உபாகமம் 17:8-12 உறுதிப்படுத்துகிறது.

✍️ அமிதா போன்ற ரப்பிகளால் நிறுவப்பட்ட பாரம்பரிய ஜெபங்களை இயேசு பயன்படுத்தியுள்ளார் மற்றும் கற்பித்துள்ளார் - இயேசுவின் இந்த பிரார்த்தனை மத்தேயு 6: 9-13இல் பதிவு செய்யப்பட்டுள்ளது.  அவரது சிறப்பு பிரார்த்தனை அமிதாவின் பதினெட்டு பிரார்த்தனைகளில் மூன்றாவது, ஐந்தாவது, ஆறாவது, ஒன்பதாம் மற்றும் பதினைந்தாவது சுருக்கப்பட்ட வடிவமாகும். இது தல்முத்தில் பதிவு செய்யப்பட்டுள்ளது.  

👉 உணவிற்காக தேவனுக்கு நன்றி செலுத்த அப்பம் மற்றும் மதுவின் மீது ஹலக் ஆசீர்வாதங்களை இயேசு ஓதியுள்ளார்.

(லூக்கா 22: 19-20).

✍️ இத்தகைய ஆசீர்வாதங்கள் வேதத்தில் காணப்படவில்லை. இவைகள் சித்தூர் - யூத தினசரி பிரார்த்தனை புத்தகத்தில் இடம் பெற்றுள்ளன. எனவே இந்த பிரார்த்தனைகளும் ஆசீர்வாதங்களும் நிச்சயமாக ஓரல் தோரா அல்லது இயேசுவுக்கு முன் ரப்பிகள் மூலமாக தலைமுறை தலைமுறையாக கடந்து வந்துள்ளதை உறுதிப்படுத்துகிறது.

✍️ யோவான் 5:8இல் இயேசு அந்த மனிதனிடம் தனது படுக்கையை எடுத்து சப்பாத் நாளன்று சுமக்கச் சொன்னபோது, ​​அவர் ரப்பிகளின் அதிகாரத்தையோ அல்லது ஓரல் தோராவையோ கண்டிக்கவில்லை. மாறாக அவர் ரப்பானிய அதிகாரம் மற்றும் ஓரல் தோராவுக்கு இணங்கவே இருந்துள்ளார்.  எருவின் சட்டங்கள் 7 என்பது ரப்பானிய சட்டங்களின் ஒரு பகுதியாகும். இந்தச் சட்டங்களின்படியே இயேசு செயல்பட்டுள்ளார் என்பதை நிரூபிக்கிறது.

✍️ இயேசு ஓய்வுநாளின் போது மக்களைக் குணப்படுத்தியபோது, ​​சில பரிசேயர்கள் / சதுசேயர்கள் எதிர்த்தனர் என்று புதிய ஏற்பாடு சொல்கிறது. 

ஓரல் தோரா அல்லது தல்முத்தில் ஒரு உயிரைக் குணப்படுத்தவும் அல்லது காப்பாற்றவும் சப்பாத் நாளில் அனுமதிக்கப்பட்டுள்ளதை காண முடியும்.  ஒரு உயிரைக் காப்பாற்றுவதற்காக அல்லது இக்கட்டான அவசரநிலையில் அனைத்து சட்டங்களும் இடைநிறுத்தப்பட்டுள்ளன.  இங்கே இயேசு ஓரல் தோராவின் சட்டங்களின்படி இருந்ததையே காண முடிகிறது.

👉 இது (சப்பாத்) உங்கள் கைகளுக்கு கொடுக்கப்பட்டுள்ளது. நீங்கள் அதன் கைகளுக்கு அல்ல.

Talmud: Yoma 85b: 

✍️ ஒரு கன்னத்தில் அறைந்தால் மறு கன்னத்தை காட்டவும் என்ற இயேசுவின் போதனையும் மோஸேவுக்கு கொடுக்கப்பட்ட ஓரல் தோராவை இயேசு உண்மைப்படுத்தியதை காட்டுகிறது. ஒரு நபர் பதிலடி தராமல், அவமானத்தை தாழ்மையுடன் சகித்துக்கொள்ள வேண்டும். கன்னத்தில் அடித்த ஒருவர் மன்னிப்பு கேட்காவிட்டாலும் புண்படுத்தும் தரப்பினரை மன்னிக்க வேண்டும் என்று ரப்பிகள் அறிவுறுத்துகின்றனர் (Tosefta Baba Kanima 9:29).  பதிலடி தராமல் குற்றத்தை ஏற்றுக்கொண்டு துன்பத்திற்கு அடிபணிந்து மகிழ்ச்சியுடன் அவமதிப்பை ஏற்று கொள்ள தல்முத் சொல்கிறது (yoma 23A).

👉 அப்போஸ்தலர் 1: 12-ல், ஆலிவ் மலையிலிருந்து எருசலேமுக்குத் திரும்பும்போது, ​​இயேசுவும் சீடர்களும் ஒரு ஓய்வுநாள் தூரம் பயணம் செயததாக சொல்கிறது.  ஒரு சப்பாத் நாள் பயணத்தின் தூரத்தை இயேசு எப்படி அறிவார்?  சப்பாத் நாள் அனுமதிக்கப்பட்ட பயண தூரம் குறித்து ஓரல் தோராவில் பதிவு செய்யப்பட்டுள்ளது, மேலும் ஓரல் தோராவில் மட்டுமே இது பதிவு செய்யப்பட்டுள்ளது. பழைய ஏற்பாடு இது குறித்து எங்கும் பேசவில்லை.

✍️ மேலும், பைபிளின் முதல் ஐந்து புத்தகங்களை உள்ளடக்கிய தோரா கிறிஸ்தவர்களுடன் பகிர்ந்து கொள்ளப்படுகிறது.  மோஸேவின் எழுதப்பட்ட ஐந்து ஆகமங்கள் உயிரெழுத்துகளை கொண்டிராமல் தான் பல தலைமுறைகளாக படிக்கப்பட்டு வந்தது. ஆனால் உண்மை என்னவென்றால், தோராவில் உண்மையில் உயிரெழுத்துக்கள் எதுவும் இல்லை என்றாலும், தோராவுக்கு உயிரெழுத்துக்கள் ஓரல் தோராவின் மூலம் பாதுக்காக்கப்பட்டு வந்துள்ளது.  இதுவரை எழுதப்பட்ட ஒவ்வொரு கிறிஸ்தவ பைபிளும் ஓரல் தோராவின் இந்த பகுதியை நம்பியிருக்கின்றன என்பது மறுக்க முடியாத உண்மையாகும். 

👉 உயிரெழுத்துக்கள் அல்லது நெகுடோட் உண்மையில் தோராவில் ஒருபோதும் குறிக்கப்படவில்லை என்றாலும், எழுத்துக்கள் போலவே தெய்வீக தோற்றம் கொண்டவை.  சினாய் மலையில் மோசேக்கு தோராவின் உயிரெழுத்துக்கள் வழங்கப்பட்டது. ஓரல் தோராவின் ஒரு பகுதியாக எஸ்ரா வரை பல தலைமுறைகளாக வாய்வழியாக கடத்தப்பட்டு வந்து, எஸ்ராவே யூத தேசத்திற்கு அவற்றை வெளிப்படுத்தி கற்பித்தார்.  அதுவரை எபிரேயம் ஒருபோதும் உயிரெழுத்துக்களுடன் எழுதப்படவில்லை.

(Rabbi Moshe Cordovero, Sefer ha-Pardes, Shaar ha-Nekudot)

✍️ பல ஆரம்பகால செமிடிக் எழுத்துக்களைப் போலவே, எபிரேய மொழியில் சரளமாக பேசக்கூடிய ஒருவர், பெரும்பாலும், உயிரெழுத்துக்கள் இல்லாமல் அதைப் படிக்க முடியும். அதனால்தான் இப்போதும் கூட நவீன எபிரேய இலக்கியங்களில் பெரும்பான்மையானவை உயிரெழுத்து இல்லாமல் எழுதப்பட்டுள்ளன.

✍️ இதற்குக் காரணம், ஆங்கிலத்தைப் போலல்லாமல், பெரும்பாலான எபிரேய சொற்கள் முக்கோண வேர்களைக் கொண்டவை.  ஒரே மாதிரியான மெய்யெழுத்து சொற்களுடன் பொதுவாக தொடர்புடையவை. மேலும் அவை காலம் மற்றும் முன்பின் சொற்களைப் பொறுத்துக் அர்த்தத்தை பாதிப்பை ஏற்படுத்துகின்றன. 

👉 அதே நேரத்தில் தோராவில் உயிரெழுத்துக்களின் அடிப்படையில் அதன் அர்த்தங்கள் மாறக்கூடிய பல சொற்களும் உள்ளன.  இந்த காரணத்தினால்தான் சொற்களை எவ்வாறு உச்சரிக்க வேண்டும் என்பதைச் சொல்ல வாய்வழி பாரம்பரியம் அதாவது ஓரல் தோரா தேவைப்படுகிறது.

👉 ஒரு சிறந்த எடுத்துக்காட்டு, பால் மற்றும் இறைச்சியை ஒன்றாகச் சாப்பிடுவதற்கான தடை. இது “நீங்கள் ஒரு வெள்ளாட்டுக்குட்டியை அதன் தாயின் பாலில் சமைக்கக் கூடாது( לֹא תְבַשֵּׁל גְּדִי בַּחֲלֵב ) என்றவசனத்திலிருந்து பெறப்பட்டது,  இப்போது, ​​“பால்”חֲלֵב (chaleiv) அல்லது חָלָב (chalav), என்ற எபிரேய சொல்லும், “ கொழுப்பு" என்ற எபிரேய சொல்லான, ”חֵלֶב (cheilev) என்பதற்கான எபிரேய வார்த்தையின் அதே எழுத்துக்களைக் கொண்டுள்ளது. ஒரே வித்தியாசம் உயிரெழுத்துகள் மட்டுமே.  எனவே ஓரல் தோரா இல்லாமல், கொழுப்புடன் இறைச்சி சாப்பிட தடை விதிக்கப்பட்டுள்ளது என்றே அந்த வசனத்தை தவறாக அர்த்தம் கொள்ள வேண்டும்.

👉 தல்முத் (Bava Batra 21a) கொடுக்கும் மற்றொரு எடுத்துக்காட்டு என்னவென்றால், தாவீது மன்னரின் ஜெனரலாக இருந்த ஜோவாப், தீய தேசமான அமலேக்கின் எல்லா ஆண்களையும் கொன்றுவிட்டு திரும்பி வந்தபோது, ​​ “தோரா முழு அமலேக் தேசத்தையும் அழிக்கும்படி கட்டளையிடுகிற போது,  ஏன் ஆண்களை மட்டும் கொன்றீர்கள்? ” என்று டேவிட் மன்னர் கேட்டார். அதற்கு அமலேக்கின் ஆண்களை (zachar) அழிக்க வேண்டும் தோரா கூறுவதாக என்று யோவாப் பதிலளித்தார்.

அதற்கு தாவீது ராஜா, “நீங்கள் வார்த்தையை தவறான உயிரெழுத்துகளுடன் படித்திருக்கிறீர்கள் என்று கூறி, அது ஆண்கள்(zachar) அல்ல, மாறாக நினைவுக்கூறப்படும் அனைத்தையும்(zeicher) என்று கூறினார்.

✍️ ஓரல் தோராவை சார்ந்தே எழுதப்பட்ட தோராவான பழைய ஏற்பாட்டின் ஐந்து ஆகமங்களும் உள்ளன .கிறிஸ்தவர்கள் வெறுத்தாலும் இது மறுக்க முடியாத உண்மையாகும்.