பரிசுத்த ஆவி தனி ஆள்தத்துவம் கொண்டவரா? பாகம் - 7

 💞 பைபிளின் கடவுள் கொள்கை  திரித்துவமா? அல்லது திணிக்கப்பட்டதா? 

     

    ☝திரித்துவத்தின் போதனை பைபிளின் பழைய ஏற்பாட்டிலிருந்து காணப்படாமல் புதிய ஏற்பாடு எழுதப்பட்ட பின்னரே உருவானது என்பதை காணமுடிகிறது.

 அப்படியானால், பரிசுத்த ஆவி ஒரு நபர் இல்லையென்றால் அதை எவ்வாறு வரையறுப்பது ?

        👻பரிசுத்த ஆவியானவரை ஒரு தனித்துவமான நபர் அல்லது  தேவனாகிய கர்த்தர்  என்று வர்ணிப்பதற்கு பதிலாக, பைபிள் பெரும்பாலும் அதை கடவுளின் தெய்வீக சக்தி என்று சொல்வதையே காணமுடிகிறது.

(சகரியா 4: 6; மீகா 3: 8).

     

       🔯யூத அறிஞர்கள், மற்றும் பழைய ஏற்பாட்டு வேத வசனங்களில் இருந்து ஆராய்ந்தால் , பரிசுத்த ஆவி கடவுளின் சக்தி என்றே தவிர வேறு எவ்வாறும் காணமுடியவில்லை.

    📕 புதிய ஏற்பாட்டில் : 

       பவுல் அதை சக்தி, அன்பு மற்றும் நல்ல மனதின் ஆவி(உள்ளம்) என்றும் குறிப்பிட்டார்.

 (2 தீமோத்தேயு 1: 7). 

     🛀நீ அமானுஷ்யமாக கருத்தரிக்க படுவாய் , கர்ப்பவதியாகி பிள்ளை ஒன்றை பெற்றெடுப்பாய் அதற்கு இயேசு என்று பெயர் சூட்டு என்பதாக மரியாவுக்குத் தெரிவித்த ஒரு  தேவதூதன் அவளுக்குப் பிரதியுத்தரமாக: பரிசுத்த ஆவி உன்மேல் வரும், உன்னதமானவருடைய பலம் உன்மேல் நிழலிடும், ஆதலால் உன்னிடத்தில் பிறக்கும் பரிசுத்தமுள்ளது தேவனுடைய குமாரன் என்னப்படும்  என்றார். 

(லூக்கா 1:35)

       ⛪ இயேசு தன்னுடைய ஊழியத்தை "ஆவியின் சக்தியால்" தொடங்கினார்  என்பதாக (லூக்கா 4:14) காணமுடிகிறது . அவர் தம்மைப் பின்பற்றுபவர்களிடம், "பரிசுத்த ஆவி உங்கள் மீது வரும்போது நீங்கள் சக்தியைப் பெறுவீர்கள்" (அப்போஸ்தலர் 1: 8) என்பதாகவும் குறிப்பிடப்பட்டுள்ளது .

     ☝"கடவுள் நாசரேத்தின் இயேசுவை பரிசுத்த ஆவியினாலும் சக்தியினாலும் அபிஷேகம் செய்தார்" என்று பேதுரு குறிப்பிடுகிறார் (அப்போஸ்தலர் 10:38). 

      

       இதே சக்தியே கிறிஸ்துவின் ஊழியத்தின் போது பல வல்லமைகளை செய்ய உதவியது. அதேபோல், இயேசு அப்போஸ்தலன் பவுல் மூலமாக "தேவனுடைய ஆவியின் சக்தியால் வல்லமைமிக்க அடையாளங்களிலும் அதிசயங்களிலும்" பணியாற்றினார் என்பதாகவும் பைபிள் குறிப்பிடுகிறது. (ரோமர் 15:19).

    👻பரிசுத்த ஆவி கடவுளின் சக்தியாக வேதவசனங்கள் மீண்டும் மீண்டும் சித்தரிக்கப்படுகிறார். மேலும் பைபிள் அடிப்படையில் இது கடவுளின் மனம் என்றும், கர்த்தர் மனிதர்களை தனது ஆன்மீக பிள்ளைகளாகப்(அதாவது ஊழியக்காரர்களாக) பெற்றெடுக்கும் சாரம் என்றும் மற்றும் உயிர் சக்தி என்றும் காட்டப்படுகிறது. பரிசுத்த ஆவி கடவுள் அல்ல, மாறாக கடவுளின் ஒரு முக்கிய அம்சமாகும். பிதாவின் தெய்வீக மற்றும் செயல்படும் ஆற்றலை குறிக்கும்.

    👻ஆவியின் மூலம் தெய்வீக உத்வேகம் மற்றும் வாழ்க்கை

பரிசுத்த ஆவியானவரைப் பற்றிய அதன் கட்டுரையில், ⚓ஆங்கர் பைபிள் அகராதி இதை "குறிப்பாக தீர்க்கதரிசன தூண்டுதலில் தெய்வீக இருப்பு மற்றும் சக்தியின் வெளிப்பாடாக இருக்கிறது" என்று விவரிக்கிறது (தொகுதி 3, 1992, பக். 260).

     👻பரிசுத்த ஆவி மூலமாக கடவுள் தம்முடைய தீர்க்கதரிசிகளுக்கும், ஊழியர்களுக்கும் தெய்வீக தூண்டுதலை அளிக்கிறார் என்பதை வேதவசனங்கள் மீண்டும் மீண்டும் வெளிப்படுத்துகின்றன. பேதுரு இதனை "தீர்க்கதரிசனமானது ஒரு காலத்திலும் மனுஷருடைய சித்தத்தினாலே உண்டாகவில்லை; தேவனுடைய பரிசுத்த மனுஷர்கள் பரிசுத்த ஆவியினாலே ஏவப்பட்டுப் பேசினார்கள். என்று (2 பேதுரு  1:21)இல் குறிப்பிடுகிறார். மேலும் பவுலும் இதேபோன்று "தேவனுடைய போதனைகள் பரிசுத்த ஆவியினால் அறியப்படுபவை என்றும் பவுல் எழுதியுள்ளார் (1 கொரிந்தியர் 2:13).  

 அதாவது, தேவனின் வழிகாட்டுதலை வெளிப்படுத்தும் ஒரு சக்தியாக தான் பரிசுத்த ஆவியை புரிந்து கொள்ள வேண்டுமே தவிர அதனை ஒரு தனி நபராக எடுத்துக்கொள்ளக்கூடாது. இவ்வாறு தனிநபராக எடுத்துக் கொள்வது பைபிள் சொல்கின்ற தீர்க்கதரிசிகள் மற்றும் நீதிமான்களின் போதனைகளுக்கு முரணான ஒன்றாகும். 

 

ஆக , இதன் மூலம் தெரிய வருவது கிறிஸ்தவர்கள் நம்புகின்ற திரித்துவம் என்பது திணிக்கப்பட்ட ஒன்று !      

  

       பரிசுத்த ஆவியின் தனிப்பட்ட பண்புக்கூறுகள் :

பரிசுத்த ஆவியை பைபிள் சித்தரிக்கும் முறைகள், அது ஒரு தெய்வீக தனித்துவமான நபர் அல்ல என்பதை நிரூபிக்கிறது. உதாரணமாக இது ஒரு பரிசாக குறிப்பிடப்படுகிறது (அப்போஸ்தலர் 10:44,45; 1 தீமோத்தேயு 4:14). பரிசுத்த ஆவியானவரை தணிக்க முடியும் (1 தெசலோனிக்கேயர் 5:19), பரிசாக ஊற்ற முடியும்(அப்போஸ்தலர் 2:17, அப்போஸ்தலர் 2:33), உள்ளத்தில் ஜீவநதி ஓடும் (யோவான் 7: 37-39),  ஆவியினால் நிரப்பப்படுதல் (அப்போஸ்தலர் 2: 4; எபேசியர் 5:18). ஆவியால் உள்ளத்தை புதுப்பித்தல் (தீத்து 3: 5) மேலும் நமக்குள் தூண்டப்படுதல் (2 தீமோத்தேயு 1: 6). இவை அனைத்தும் பரிசுத்த ஆவி ஒரு ஆள் தத்துவம் கொண்டவரல்ல என்பதும், அது தேவ வல்லமை என்பதும் புலனாகிறது.

       பரிசுத்த ஆவி நமக்குள் தங்கியிருந்தால் நம்மால் எப்படி நன்மையை சிந்திக்கும்போது தீமையையும் சிந்திக்க முடியும் ! 

எனவே , உள்ளத்தை சுட்டிக்காட்டும் விதமாகவே இது அமைந்துள்ளது. 

    🌟பவுலின் முன்மாதிரியும் போதனையும்

கடவுள் ஒரு திரித்துவமாக இருந்திருந்தால், ஆரம்பகால திருச்சபையின் இறையியல் அடித்தளங்களை பதிவு செய்த பவுல் நிச்சயமாக இந்த கருத்தை புரிந்து கொண்டு கற்பித்திருப்பார். ஆயினும் அவருடைய எழுத்துக்களில் அத்தகைய போதனைகள் எதுவும் இல்லை.

மேலும், தேவாலயங்களுக்கும், அவர் எழுதிய தனிநபர்களுக்கும் எழுதிய கடிதத்தில் பவுலின் நிலையான வாழ்த்து "உங்களுக்கு எங்கள் பிதாவாகிய தேவனிடமிருந்தும் எஜமானனான இயேசு கிறிஸ்துவிடமிருந்தும் அருளும் சமாதானம்" என்பதாகும். ஆயினும் அவருடைய எந்த ஒரு வாழ்த்துக்களிலும் அவர் ஒருபோதும் பரிசுத்த ஆவியானவரை குறிப்பிடவில்லை.

    🌟பவுலின் பெயரைக் கொண்டிருக்கும் ஒவ்வொரு வசனத்திலும் அதே வாழ்த்துக்கள் தோன்றும் ( 1 கொரிந்தியர் 1: 3; 2 கொரிந்தியர் 1: 2; முதலியவற்றைக் காண்க.) பரிசுத்த ஆவி இந்த வாழ்த்துக்களில் ஒரு இடத்திலும் வரவில்லை  - ஆவி உண்மையில் பிதாவாகிய கர்த்தர் அல்லது கிறிஸ்து போன்ற ஒரு நபர் என்றால் அது நம்பமுடியாத கூற்றாகும் .

பவுல் எழுதிய சபைகளில் பல கடவுள்களை வணங்கின பலதெய்வ பின்னணியில் இருந்து பல புறஜாதி உறுப்பினர்கள் இருந்தார்கள் என்பதை நாம் கருத்தில் கொள்ளும்போது இது இன்னும் ஆச்சரியமாக இருக்கிறது. பிதாவாகிய தேவனுக்கும் அல்லது இயேசு கிறிஸ்துவுக்கும் சமமான ஒரு தெய்வீக மனிதராக பரிசுத்த ஆவியை விளக்க பவுலின் ஆவணங்கள் எந்த ஒரு முயற்சியையும் பதிவு செய்யவில்லை.

பவுலின் எல்லா அனைத்து புத்தகங்களிலும், 2 கொரிந்தியர் 13: 14-ல் மட்டுமே பிதாவுடனும் கிறிஸ்துவுடனும் பரிசுத்த ஆவி குறிப்பிடப்பட்டிருக்கிறது, மேலும் "பரிசுத்த ஆவியின் கூட்டுறவு" (என்.ஐ.வி) தொடர்பாக மட்டுமே விசுவாசிகள் பகிர்ந்து கொள்கிறார்கள்- ஆயினும்கூட, இங்கே, கடவுளின் ஆவி ஒரு நபராக பேசப்படவில்லை. இதன் காரணமாகத்தான் நம்பிக்கையாளர்களின் ஐக்கியம் என்பது பிதா மற்றும் இயேசு கிறிஸ்துவுடன் என்று சொல்லும் யோவான், இங்கே பரிசுத்த ஆவியை குறிப்பிடவில்லை. (1 யோவான் 1: 3) நீங்களும் எங்களோடே ஐக்கியமுள்ளவர்களாகும்படி, நாங்கள் கண்டும் கேட்டும் இருக்கிறதை உங்களுக்கும் அறிவிக்கிறோம்; எங்களுடைய ஐக்கியம் பிதாவோடும் அவருடைய குமாரனாகிய இயேசுகிறிஸ்துவோடும் இருக்கிறது." 

இங்கே பரிசுத்த ஆவியானவரை குறிப்பிடப்படவில்லை என்பதை நாம் கவனிக்க வேண்டும்.

"ஒரே கடவுள் பிதா, ஒரே எஜமானன் இயேசு கிறிஸ்து" என்று பவுல் கூறுகிறார் (1 கொரிந்தியர் 8: 6). ஆனால் அவர்  தெய்வீக மனிதராக பரிசுத்த ஆவியானவரைப் பற்றி எதுவும்  இங்கே குறிப்பிடவில்லை.

பிற விவிலிய அறிஞர்களும்

இயேசு இதேபோல் பரிசுத்த ஆவியானவரை ஒரு தெய்வீக மூன்றாவது நபராக பேசியதில்லை என்பது மேற்கோள் காட்டுகின்றனர். அதற்கு பதிலாக, பல பத்திகளில் அவர் பிதாவாகிய கடவுளுக்கும் தனக்கும் இடையிலான உறவைப் பற்றி மட்டுமே பேசுகிறார் (மத்தேயு 26:39; மாற்கு 13:32; 15:34; யோவான் 5:18; யோவான் 5:22; போன்றவை). தன்னையும் கர்த்தரையும் பல இடங்களில் மேற்கோள் காட்டும் இயேசு ஒருபோதும் பரிசுத்த ஆவியை அதில் இணைத்து பேசவில்லை. ஏனெனில் இயேசுவின் பார்வையில் பரிசுத்த ஆவி ஒரு தனிநபர் இல்லை என்பதால்.

கடவுளுடைய சிம்மாசனத்தின் தரிசனங்களில், பிதாவும் கிறிஸ்துவும் காணப்பட்டாலும், பரிசுத்த ஆவி ஒருபோதும் காணப்படவில்லை என்பதையும் நாம் கருத்தில் கொள்ள வேண்டும் (அப்போஸ்தலர் 7: 55-56; தானியேல் 7: 9-14; வெளிப்படுத்துதல் 4-5; வெளிப்படுத்துதல் 7:10). கடவுளின் வலது பக்கத்தில் இருப்பதாக இயேசு மீண்டும் மீண்டும் குறிப்பிடப்படுகிறார். ஆனால் கர்த்தரின் இடது பக்கத்தில் இருப்பதாக யாரும் குறிப்பிடப்படவில்லை. வேதாகமத்தில் எங்குமே திரித்துவம் சொல்லப்படவில்லை. சித்தரிக்கப்பட்டவையே !.

  🌌 "ஒரு புதிய வானத்தையும் புதிய பூமியையும்" (வெளிப்படுத்துதல் 21:1) விவரிக்கிறது. அதில் "தேவனுடைய கூடாரம் மனிதர்களிடம் இருக்கிறது, அவர் அவர்களுடன் வசிப்பார்" (வெளிப்படுத்துதல் 21: 3) என்றும் தேவனின் ஆட்டுக்குட்டியான கிறிஸ்துவும் இருக்கிறார் (வெளிப்படுத்துதல் 21:22) என்றும் குறிப்பிடுகிறது. ஆயினும், பரிசுத்த ஆவி மட்டும் மீண்டும் குறிப்பிடப்படவில்லை. இந்த ஆவி ஒரு திரித்துவ கடவுளின் மூன்றாவது நபராக இருந்தால் ஏன் இங்கும் சொல்லப்படவில்லை! 

பரிசுத்த ஆவி, பைபிளில் காணப்படும் சான்றுகளிலிருந்தே, திரித்துவத்தில் கூறப்படும் நபர் அல்ல என்பது தெளிவாகிறது. 

ஆக , பரிசுத்த ஆவி என்பது கிறிஸ்தவர்கள் நம்புகிற படி தேவனுக்கு சமமான தனிநபர் அல்ல என்பது தெளிவாகிறது. திரித்துவம் என்பதும் கிறிஸ்தவத்தில்  பிற்க்காலத்தில் திணிக்கப்பட்ட ஒரு கூற்றேயாகும் என்பதும் புலனாகிறது.